NAAGAHA LAMA XUKUMI KARO EE AYAGAA WAX XUKUMA
Hada ka hor waxaa jiray nin aad ugu wanaagsana xaaskiisa oo
aad u texgelinjiray, markaasa dadka ka ag dhawaa ayaa waxey ku yiraahden hebel
naagtiis ayuu caabudaa yacni waa uu u jijilcan yahay,
Sanado badan ka hor ayaa sidoo kale waxa jiray nin boqor ah
oo aad loo xushmeyn jiray markaasaa ayuu maalim maalmaha ka mid wuxuu iskugu
yeeray dhamaan wixii shaqaalihiisa ahaa oo wuxuu weydiyay labo su’aalood oo
kala ah (1) Wixii rag oo dumarkood ka aday oo xukuma meel ha istaagaan (2)
Wixii rag ay dumarkood amraan / u taliyaan meel ha istaagaan. Marka oo boqorka
hadalka dhameystay ayaa dhamaan ragii su’aasha labaad meel iskugu tageen oo
dumarkood ay u talshaan halka hal qof keliya oo gooni u istaagay oo dhahay
boqoroow aniga naagtey/xaaskeyga aniga ayaa u talsha.
Boqorkii waa uu usacbiyay ninkii keligi istaagay oo wuxuu ku
dhahay waxaa tahay nin ad-adag ee waxaan abaal marin kuu siinayaa faraska ugu
qurxoon fardaheyga oo mida aad rabto kala bax oo dooqaaga ah, Ninkii waxaa loo
waday meeshii fardaha lagu xanaaneynaayay oo 3 fardood kala duwan ay joogeen
mid cad, mid madow ah iyo mid kafeey ah; Ninkii wuxuu doortay mida madoow asagoo
aad u faraxsan oo dhoola cadeynaayo halka dhamaan nimankii kale oo dhan uu
boqorkii ugu awaal guday hal mir / xabo oo ukun ah (Egg).
Ninkii abaalmarinta faras qaatay ayaa asagoo aad u faraxsan
wuxuu aaday hooygiisa / gurigiisa markaas ayaa xaaskiisa waxey weydiisay
sababta uu manta aad ugu faraxsanyahay; kadibna wuxuu marwadiisa u sheegay waxa
ku dhacay iyo in uu boqorkiisa siyay faras kadib markii uu asaga noqday ninka
keliya ee ka adag xaaskiisa uu keligi u taliyo halka dhamaan nimanka kale ay
noqdeen kuwa loo talsho. Wada sheekeysi dheer ka dib, Naagtii ayaa waxey ninkeeda
ku dhahday “Waa runtaa xaafada adiga ayaa ka taliya oo amarkaaga keliya ayaaba
ka socda” lakiin waxaan kugula talin lahaa oo aad ku qurxoontahay marka aad
wadato faraska Cadaanka ahi. Ninkii wuxuu ku jawaabay “Waxa dhib leh ma ahan oo
berito ayaan kulaabanayaa boqorka kadibna faraska cad ayaan soo qaadanayaa”.
Maalinkii dambe, ninkii arinkii ayuu ku dhaqaayay oo wuxuu
dib ugu laabtay boqorkiisa wuxuu ku dhahay “Boqorow aniga naagteyga waxaa ay
igula talisay faraska cadaanka ahi in aan ku qurxoonahay”. Boqorkii intuu si
fiican u qoslay ayuu ninkii siyay hal xabo oo ukun ah sida asxaabtiisa oo kale
wuxuuna ku yiri “Dhamanteenba / raga waxaa ina xukuma xaasaskeyna xitaa anigoo
boqorka meeshan ah”.
Nuxurka sheekada “Naagaha lama xukimi karo ee ayagaa wax
xukuma”.
Comments
Post a Comment